** يوستينا و روجينا للمحاضرات التجميلية **

انا عايزة اعمل حاجة شبيهة بمحاضرات التجميل


المحاضرات دى هنتكلم فيها عن كل حاجة خاصة بالجمال


هنتكام عن البشرة وتكوينها _ العناية بالبشرة _ العناية بالرموش _ العناية بالشفاه _ العناية بالجسم _ العناية بالقدم _ انواع الحبوب وعلاجها


وكل حاجة ان شاء الله


انا هعمل المحاضرات دة محاضرة كل اسبوع


المحاضرات الاولى هنتكلم فيها عن البشرة و تكوينها وانواعها والعناية بكل نوع منها


يارب الفكرة تعجبكم وكمان المحاضرات تعجبكم





المحاضرة الاولى


ماهى البشرة وماهو تكوينها وما هى انواعها ؟؟






اولا تعريف البشرة :-


البشرة دة اكبر عضو من اعضاء الجسم بصفة عامة لانها بتغطى جميع انحاء الجسم


و يجب الاهتمام بيها بشكل كبير عشان تبقى نضرة وجميلة


ولازم اننا نحافظ عليها زى اى عضو اخر من اعضاء الجسم


والبشرة لما بنهملها بتتعب زى اى عضو اخر بس البشرة بتعبر عن تعبها بشكل تانى


عن طريق الشحوب وعدم النضارة وظهور الحبوب والكلف والبقع والبثور السوداء


وغيرها من مشاكل البشرة المعروفة


عشان كدة لازم نهتم بيها عشان نتجنب المشاكل دى بقدر الامكان


والبشرة بتعكس جمال الانسان سواء جمال الوجة او جمال الجسم



ثانيا تكوين البشرة :-


البشرة تتكون من 3 طبقات وهما :


1- طبقة البشرة الخارجية : ودى عشان تحمى باقى طبقات البشرة من العوامل البيئية الخارجية


وهى تتجدد باستمرار لانها بتموت بسرعة


نتيجة الحك زى مثلا تنشيف الوجة او الجسم بالفوطة بعد غسيل الوجة او الاستحمام


2- طبقة الادمة : وهى تلى البشرة الخارجية مباشرة


وتكون فيها بصيلات الشعر وفيها ايضا صبغ يسمى صبغ الميلانين


وهو الذى يكسب الجلد لونة


3- طبقة البشرة الداخلية : وهى تلى الادمة مباشرة ويوجد فيها خلايا دهنية


حتى يكون الجلد مرن




ثالثا انواع البشرة :-


يوجد للبشرة 5 انواع :


1- البشرة الجافة : و النوع دة محتاج عناية كبيرة


ونتعرف على نوع البشرة الجافة من خلال انة يوجد قشور على انحاء الوجة


والقشور تعرف ايضا بالقشف


والبشرة تكون ناشفة ولا يوجد بها ترطيب


والمشاكل فى النوع دة من البشرة بيكون قليل شوية


2- البشرة الدهنية : والنوع دة محتاج عناية كبيرة جدا


لان اى اهمال فى العناية بالبشرة الدهنية بيخلى مشاكلها تظهر


من حيث الحبوب وغيرها


ونتعرف على النوع دة من البشرة من خلال ان الوجة بيكون بيلمع بشكل واضح


وكمان بتظهر فية الحبوب المعروفة


3- البشرة المركبة : وهى بتبقى خليط من البشرة الدهنية والجافة والعادية


فاما يكون خليط من البشرة الدهنية مع العادية وهنا تسمى البشرة بشرة مركبة دهنى


واما تكون خليط من البشرة الجافة مع العادية وهنا تسمى البشرة بشرة مركبة جافة


ولكن البشرة المركبة الجافة مش منتشرة اوى فى مصر


ونتعرف على النوع دة من البشرة من خلال منطقة ( t- zone )


وهى منطقة الجبهة مع منطقة الانف


اذا كانت المنطقة دى فيها لمعان تكون البشرة مركبة دهنية


واذا كانت ( t- zone)


فيها جفاف او ناشفة او فيها قشف تكون البشرة مركبة جافة



4- البشرة الحساسة : والنوع دة من انواع البشرة محتاج عناية خاصة جدااا


واى اهمال فى العناية يسبب مشاكل كبيرة


ونتعرف على النوع دة من البشرة عن طريق الحساسية الشديدة لعوامل البيئة الخارجية


مثل الشمس والاتربة


ونجد ان اصحاب البشرة الحساسة عند التعرض للشمس او الاتربة يسبب ذلك حروق خفيفة فى الوجة



5- البشرة العادية : والنوع دة احنا مش مهتمين بية اوى فى مصر او مش بنحطة فى اعتبارنا


لان النوع دة من انواع البشرة مش موجود فى مصر الا بنسبة قليلة جدااا


تصل الى 3%


ودة نتيجة جو مصر لانة بيميل للجفاف شوية فلا يتمكن نوع البشرة دة من الظهور




حاجة اخيرة احب اقولها


وهى اننا لاوم نتعرف على نوع بشرتنا بطريقة صحيحة عشان نعرف نتعتنى بيها كويس


لان كل نوع بشرة لية منتجات خاصة بية لازم نستخدمها


ودى كانت المحاضرة الاولى


المرة الجاية هنتكلم عن الاعتناء بانواع البشرة


اتمنى انكوا تكونوا استفدتم وعجبكم الموضوع




احنا المرة الى فاتت اتكلمنا عن البشرة وتعريفها وانواعهاانهاردة هنتكلم عن كيفية العناية البشرة للعناية بالبشرة لازم يبقى فى تنظيف بشرة يومى وتنظيف بشرة اسبوعى


اولا : تنظيف البشرة اليومى

هنا هنستخدم 5 حاجات وهما مهمين جداااااااااا

وهما :

1- غسول للبشرة .

2- تونر .

3- كريم عين .

4- كريم نهار .

5- كريم ليل .

التنظيف اليومى دة بيتعمل مرتين فى اليوم مرة الصبح اول ما نصحى من النوم ومرة بليل قبل النومودى خطواتة : -

1- الغسول : و استخدامة كالاتى :

بنحطة على قطنة وبنمسح بية البشرة كلها وبعد كدة بنغسل الوجة بماء فاتر .

2- التونر : واستخدامة كالاتى :

بنحطة بردة على قطنة ونمسح بية البشرة كلها بس مش بنغسلة بعد كدة هو هينشف لوحدة .

3- كريم العين : واستخدامة كالاتى :

بنحطة على الخنصر وهو اضغر صابع فى ايدينا ونبدا نحطة تحت العين من الخارج للداخلوخصوصا على عظمة الخد وبطبطبة خفيفة نوزع كريم العين تحت العينمهم جدااا اننا نحطة من الخارج للداخل يعنى عكس خطوط العين ودة عشان بعد كدة ما تظهرش تجاعيد تحت العين .

4- كريم النهار :

ودة بيتوزع عادى على البشرة زى اى كريم مرطب بس بعيد عن منطقة العين .

وطبعا دة بنستخدمة بالنهار بس .

5- كريم الليل :

وبردة بيتوزع عادى على البشرة زى اى كريم مرطب وبردة بعيد عن منطقة العينوبيستخدم بليل بس .



ثانيا : تنظيف البشرة الاسبوعى

ودة مهم جدا جدا جدا للبشرة وبستخدم فية 7 حاجات وهما :

1- غسول للبشرة .

2- حمام بخار .

3- سكرب يعنى صنفرة .

4- ماسك .

5- تونر .

6- كريم عين .

7- كريم مرطب .

الخطوات :-

1- الغسول : واستخدامة عادى زى ما قولت فى الاول على قطنة .

2- حمام البخار : طبعا مش كلنا عندنا جهاز البخار المعروف فاحنا بنعما حاجة بديلة لية بس بتدينا نفس الفوايد بتاعتةكالاتى :

هتجيبى اناء عادى وتملية ماء وتغلية على البتوجاز بعد اما الماء يغلى وطى النار علية و قربى وجهك من الاناء للدرجة الى عندها تستحملىالبخار الى طالع من الماء وخليكى كدة لمدة من 10 دقايق ل 15 دقيقةهتحسى انة وجهك بيشد و بدات المسام تتفتح ووجهك بيعرق لدرجة انة بينزل قطرات ماء فى الاناءودة المطلوب .

3- السكرب : وهو الصنفرة وهو مهم جدا بعد حمام البخار و يستخدم كالاتى :

يستخدم على بشرة مندية شوية يعنى مش تنشفى وجهك اوى بعد حمام البخار لا سيبية مندىهتوزعى السكرب على الوجة كلة والرقبة ماعدا منطقة العين وهتبداى تعملى صنفرة باطراف الصوابعبحركات دائرية لفوق يعنى هتبداى من الرقبة لفوق ومنطقة الجبهة هتتعمل بالعرض من فوق الانف للخارج ناحية الاذنوبعد كدة هتغسلى وجهك بماء فاتر .

4- الماسك : وبردة الماسك مهم جدا للبشرة واستخدامة كالاتى :

بيتوزع على البشرة كلها بعيد عن منطقة العين وتسيبية لمدة 10 دقايق وبعدين تغسلى وجهك بالماء الفاتر .

5- التونر : واستخدامة عادى على قطنة زى ما قولت فى التنظيف اليومى .

6- كريم العين : واستخدامة زى ما قولت فى التنظيف اليومى .

7- الكريم المرطب : ودة اخر حاجة وبيتوزع عادى على الوجه والرقبة بعيد عن منطقة العين .




دلوقتى بقى هنقول فوايد كل حاجة استخدمناها فى تنظيف البشرة

1- الغسول : الغسول بيفتح مسام البشرة ويزيل الاتربة من على البشرة ويسيب البشرة نظيفة .

2- حمام البخار : بيفتح المسام بعمق اكتر من الغسول بحيث ان الاتربة الى موجودة جوة البشرة تخرج وكمان الدهونالى بتعمل مشاكل كالحبوب و غيرها .

3- السكرب : ودة مهم بعد حمام البخار لان المسام مفتوحة فالسكرب بيساعد على خروج كل الاوساخ والاتربة والدهون من المسام المفتوحة دى .

4- الماسك : بيحافظ على البشرة وبيرطبها و عملة مختلف على حسب كل نوع بشرةفمثلا ماسك البشرة الجافة وهو ماسك الزبادى بيمد البشرة بترطيب عالى عشان مش تنشفوماسك البشرة الدهنية وهو ماسك الطماطم بيقبض المسام وبيقلل الدهون الى فى البشرة عشان مش تعمل مشاكل الحبوب وكدة .
ماسك البرتقال : ودة يسمى face off mask لانة بيتحط 10 دقايق فبينشف على البشرة وبنقشرة كطبقة من على الوجة دة بيغدى البشرة وبيبيضها شوية وبيساعد فى ازالة الجلد الميت بس بردة مش بيغنى عن السكرب .
ماسك الطحالب : دة لكل انواع البشرة ووظيفتة بيمد البشرة بالماء وبيغذيها .

5- التونر : ودة مهم اوى سواء فى التنظيف اليومى او التنظيف الاسبوعى لانة بيسمى قابض للمساملاننا بعد اما ننظف البشرة المسام بتبقى لسة مفتوحة واحنا لو سيبناها كدة الاتربة هتدخل تانى للبشرةعشان كدة لازم نقفل المسام التونر عشان نبعد الاتربة .

6- كريم العين : مهم اوى اننا نستخدم كريم العين عشان نمنع التجاعيد انها تظهر لما نكبر فى السن لان كريم العين بيرطب المنطقةحول العين وبيمدها بالتغذية اللازمة للمنطقة دى ودة بيقلل ويمنع ظهور التجاعيد فيها .

7- كريم النهار : بيعمل على حماية البشرة من عوامل الجو الضارة زى الاتربة والشمس وغيرها وكمان بيبقى فية عامل حماية من الشمسفمهم جدا استخدامة قبل الخروج .

8- كريم الليل : ودة مهم اوى لانة بيجدد خلايا البشرة اثناء النوم بحيث اننا كل يوم الصبح نقوم من النوم بشرتنا جديدة وجميلة .

9- الكريم المرطب : ودة فى التنظيف الاسبوعى وهو بيساعد على ترطيب البشرة والحفاظ عليها